~~META:
title = Васіль Зуёнак — Ручаёк
&keywords = ручаёк
&abstract = Верш Васіля Зуёнка "Ручаёк"
&iftrue = nan
~~

====== Васіль Зуёнак — Ручаёк ======
Ці ты зблізку, ці здалёк\\
Прыкаціўся, ручаёк?\\
Дзе ты быў і дзе ты жыў,\\
З кім гуляў і з кім дружыў?\\
\\
Адказаў нам ручаёк:\\
– Я ні зблізку, ні здалёк –\\
Я з высокай хмаркі,\\
Што ляцела шпарка\\
Над палямі, над лясамі\\
І спынілася над вамі.\\
\\
Вецер хмарку абярнуў –\\
Цёплы дожджык сыпануў!\\
\\
За струменьчыкам струменьчык –\\
Дзе травінка, дзе каменьчык –\\
У абгонкі скок ды скок –\\
І радзіўся ручаёк.\\
\\
Непаседа-весялун,\\
Гаманлівы булькатун –\\
Буду з вамі я гуляць,\\
Вам караблікі люляць!

 


===== Падобныя старонкі =====
  * [[творы/янка-галубовіч/янка-галубовіч-вожык-і-ручаёк]]
  * [[творы/васіль-зуёнак/васіль-зуёнак-гаварыла-маці]]
  * [[творы/васіль-зуёнак/васіль-зуёнак-сон]]
  * [[постаці/васіль-зуёнак]]
  * [[творы/васіль-зуёнак/васіль-зуёнак-у-люстэрку-свіцязі]]