~~META:
title = Васіль Зуёнак — Помнік
&keywords = слёзы
&abstract = Чытаць верш "Помнік" Васіля Зуёнка
&iftrue = nan
~~

====== Васіль Зуёнак — Помнік ======
– Што ж ты, бярэзінка,

сокам гаючым

Но акрапіла іх раны?..

– Позна я,

позна ўзрасла па-над кручай:

Хлопцы

даўно пахаваны...

– Што ж ты, матуля,

слязьмі не размыла

Жвір гэты,

смутак чорны?..

– Доўга я,

доўга ішла да магілы –

Слёз не данесла,\\
Слёз не хапіла,\\
Слёзы ссушыла мне гора...\\
– Што ж ты, матуля,

гневам пякельным

Жвір тады не спапяліла?..

– Гнеў скамяніўся мой...

З гневам каменным

Так і стаю над магілай...

 


===== Падобныя старонкі =====
  * [[ibdc.ped>помнік-3520]]
  * [[ibdc.ped>помнікі-жывёлам]]
  * [[творы/анатоль-грачанікаў/анатоль-грачанікаў-каля-помніка-партызан]]
  * [[ibdc.ped>помнікі-студэнтам]]
  * [[ibdc.ped>помнік-у-трэптаў-парку]]