~~META:
title = Васіль Зуёнак — Поле
&keywords = поле, гэта, паяднацца
&abstract = Чытаць верш Васіля Зуёнка "Поле"
&iftrue = nan
~~

====== Васіль Зуёнак — Поле ======
Поле – не толькі зямля,\\
Гэта і неба, і ветрык,\\
I васілёк, што здаля\\
Свеціць душою прыветнай.\\
\\
Гэта і жаўранка спеў –\\
Першынца хмаркі вясёлай,\\
Гэта надзеі пасеў,\\
Мудрасці жніўная школа.\\
\\
Гэта і дождж, што ідзе,\\
Каб з ярыной паяднацца,\\
Гэта бяссонне людзей\\
I хлебадайная праца.\\
\\
Поле – не поле без нас.\\
I перапёлкаю ў жыце\\
Кліча:

– У першы свой клас,

Дзеці, у поле бяжыце!

 


===== Падобныя старонкі =====
  * [[творы/казімір-камейша/казімір-камейша-духмянае-дзіва]]
  * [[творы/пятрусь-макаль/пятрусь-макаль-поле-поле]]
  * [[творы/еўдакія-лось/еўдакія-лось-галасы-поля]]
  * [[ibdc.ped>вечнае-поле]]
  * [[ibdc.ped>жніво]]