~~META:
title = Васіль Зуёнак — Пачакай, дзядуля Марс
&keywords = Марс
&abstract = Чытацт верш Васіля Зуёнка "Пачакай, дзядуля Марс"
&iftrue = nan
~~

====== Васіль Зуёнак — Пачакай, дзядуля Марс ======
Нас пяцёра ў нашым доме –\\
Дружбакоў усім вядомых.\\
\\
Толькі дом не знае наш;\\
Мы - касмічны экіпаж!\\
\\
Компас ёсць. I ёсць ракета\\
Змайстравалі пад сакрэтам.\\
\\
I цяпер бы самы раз\\
Нам адправіцца на Марс.\\
\\
Ды шкада, што ён далёка –\\
Пэўна спознімся на ўрокі.\\
\\
I, глядзі, яшчэ ў прыдачу\\
Тройкі ў дзённіках заскачуць...\\
\\
А таму з прычыны гэтай\\
Пераносім старт на лета.\\
\\
Пачакай, дзядуля Марс, –\\
Дай закончыць першы клас!

 


===== Падобныя старонкі =====
  * [[творы/сяргей-грахоўскі/сяргей-грахоўскі-касманаўты]]
  * [[ibdc.ped>камандзіроўка-на-марс]]
  * [[творы/васіль-зуёнак/васіль-зуёнак-у-люстэрку-свіцязі]]
  * [[творы/яўген-крупенька/яўген-крупенька-мы-касманаўты]]
  * [[ibdc.ped>марс]]