~~META:
title = Васіль Зуёнак — Пакуль у неба б’юць пад’ёмы...
&keywords = хлеб, урок, тайна, зарок
&abstract = Чытаць верш Васіля Зуёнка "Пакуль у неба б’юць пад’ёмы..."
&iftrue = nan
~~

====== Васіль Зуёнак — Пакуль у неба б’юць пад’ёмы... ======
Пакуль у неба б’юць пад’ёмы\\
І час пружыніць павады,\\
Не ведай радасці і стомы,\\
У мітульзе не траць гады.\\
Хай радасць слабага пацешыць,\\
Піжона стома падсячэ,\\
А нам не варта носа вешаць:\\
Усё наперадзе яшчэ!\\
твары спрадвечны круг мазольны:\\
Ары і сей, гадуй і жні.\\
У пустамоўнасці застольнай\\
Засекі дум не спаражні.\\
У працы – сэнс, і плён, і праўда,\\
І запавет, стары, як свет:\\
Каб ніва ўладжвалася спраўна\\
І не буяніў пустацвет.\\
І з іншай радасцю не знацца –\\
На ўсё жыццё – адзін урок:\\
Хлеб не расце пад гром авацый.\\
І ў гэтым – тайна. І зарок.\\
\\
1975

\\
Крыніца: Зуёнак В. Выбраныя творы. Уклад., камент. аўтара; прадм. Н. Заяц. – Мінск : Кнігазбор, 2010. – 512 с. («Беларускі кнігазбор»: Серыя 1. Мастацкая літаратура).

 


===== Падобныя старонкі =====
  * [[ibdc.ped>на-заводзе]]
  * [[ibdc.ped>праца-тваіх-рук]]
  * [[творы/артур-вольскі/артур-вольскі-сталяры]]
  * [[творы/авяр-ян-дзеружынскі/авяр-ян-дзеружынскі-той-хто-працуе]]
  * [[творы/авяр-ян-дзеружынскі/авяр-ян-дзеружынскі-адкуль-з-явіліся-рам]]