Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Васіль Зуёнак — Коні і поні
&keywords = поні, гром
&abstract = Верш Васіля Зуёнка "Коні і поні"
&iftrue = nan
~~

====== Васіль Зуёнак — Коні і поні ======
Ад натугі\\
І ад конскае тугі\\
Гнуцца дугі\\
І ў вачах ідуць кругі.\\
Напінаецца, сапе\\
Цяжаравоз,\\
Бо ідзе не так сабе,\\
А цягне воз.\\
\\
А стаеннікі –\\
Браценікі\\
Яго –\\
Пасміхаюцца:\\
– Га-га! Ды і-го-го! –\\
І паказваюць на поні:\\
– Ці вы коні,\\
Ці не коні?\\
Га-

га-

га:

Цацачны хамуцік\\
І дуга, –\\
Важняцца\\
І дражняцца\\
З кож-

на-

га:

– Поні, поні, пончыкі,\\
Піражкі –\\
Не павезці вам ніколі\\
Воз цяжкі.\\
Поні, поні –\\
Засмуціліся зусім:\\
–- Што мы коні –\\
Быццам ясна,\\
Ды не ўсім...\\
Хоць малыя мы,\\
Ды вам – браты,\\
І зусім невыпадкова\\
Грывы ёсць у нас,\\
І ёсць\\
Хвасты,\\
І чатыры –\\
На падковах –\\
Капыты!\\
\\
– Кіньце плакаць! –\\
Гром паважна абвясціў. –\\
Дождж закапаў –\\
Ёсць надзея падрасці.\\
\\
Задаволена\\
Яшчэ раз грымнуў гром.\\
Мокнуць поні –\\
Мікра-коні –\\
Пад дажджом:\\
– Не ўхмыляйцеся,\\
Не кпіце –\\
Зараз мы\\
Падрасцём\\
Хоць на капыцік\\
Да зімы!

 


===== Падобныя старонкі =====
  * [[постаці/васіль-зуёнак]]
  * [[творы/васіль-зуёнак/васіль-зуёнак-гаварыла-маці]]
  * [[творы/васіль-зуёнак/васіль-зуёнак-у-люстэрку-свіцязі]]
  * [[творы/артур-вольскі/артур-вольскі-коні-поні]]
  * [[творы/артур-вольскі/артур-вольскі-пагоня]]