~~META:
title = Васіль Жуковіч — Хараство сусвету
&keywords = прасторы, зоры, сусвеце
&abstract = Чытаць верш Васіля Жуковіча "Хараство сусвету"
&iftrue = nan
~~

====== Васіль Жуковіч — Хараство сусвету ======
Так прыгожа у сусвеце!\\
Сонца днём, а ўночы зоры\\
над зямлёй высока свецяць,\\
ззяе месяц на прасторы.\\
\\
У сусвеце непаўторным,\\
таямніц, загадак поўным,\\
непарушна, так цудоўна\\
лад пануе невымоўны!\\
\\
I планеты ў руху вечным,\\
і ў святле спрадвечным зоры!..\\
Шчасце жыць пад Шляхам Млечным,\\
слухаць музыку прасторы!\\


\\
Крыніца: Залацінкі: Зборнік вершаваных твораў. Мінск: Беларусь, 2001. – 235 с.

 


===== Падобныя старонкі =====
  * [[творы/васіль-жуковіч/васіль-жуковіч-жураўліны-вырай]]
  * [[творы/васіль-жуковіч/васіль-жуковіч-адляцелі-жураўлі]]
  * [[ibdc.ped>які-свет-абраць]]
  * [[творы/васіль-жуковіч/васіль-жуковіч-слухай-родную-прыроду]]
  * [[творы/васіль-жуковіч/васіль-жуковіч-першы-снег]]