~~META:
title = Васіль Жуковіч — Францішак Скарына
&keywords = скарына, францішак, сына
&abstract = Чытаць верш Васіля Жуковіча "Францішак Скарына"
&iftrue = nan
~~

====== Васіль Жуковіч — Францішак Скарына ======
У справах цудоўных\\
вялікага сына –\\
святло старажытнай\\
адметнай краіны.\\
Ён першадрукар,\\
ён прарок мудрых кніжак –\\
Францішак Скарына,\\
Скарына Францішак.\\
\\
У чутым далёка,\\
шырока вядомым\\
ёсць подых, ёсць рэха\\
вясновага грому\\
і ёсць цудадзейна-гаючая ціша:\\
Францішак Скарына,\\
Скарына Фран-ці-шак!\\
\\
Жыве яго Слова –\\
ў ім дух Адраджэння,\\
малітва-замова\\
супроць адчужэння.\\
Хвала табе,\\
Маці святая – Краіна,\\
што ты акрыліла прамудрага сына!

\\
\\
Крыніца: Залацінкі: Зборнік вершаваных твораў. Мінск: Беларусь, 2001. – 235 с.

 


===== Падобныя старонкі =====
  * [[ibdc.ped>спадчына-скарыны]]
  * [[ibdc.ped>францыск-скарына]]
  * [[творы/іншае/францыск-скарына-з-прадмовы-да-кнігі-юдз]]
  * [[ibdc.ped>мастацкая-скарыніяна]]
  * [[ibdc.ped>эпоха-францыска-скарыны]]