~~META:
title = Васіль Жуковіч — У зялёным лузе
&keywords = лузе, зялёным, сябрую
&abstract = Чытаць верш Васіля Жуковіча "У зялёным лузе"
&iftrue = nan
~~

====== Васіль Жуковіч — У зялёным лузе ======
У зялёным лузе\\
красачкі гамоняць:\\
з чабарком – званочак,\\
з люцікам – рамонак.\\
\\
Матылёк над імі\\
лёгенька крыляе,\\
быццам прывітанне\\
кветкам пасылае.\\
\\
У зялёным лузе\\
часта я гуляю,\\
з краскамі усімі\\
сэрцам размаўляю.\\
\\
З імі я сябрую,\\
з матыльком таксама,\\
а яшчэ з крынічкай\\
чыстай, светлай самай.\\
\\
Я сябрую з імі,\\
дружны я з усімі.\\
Так заўсёды будзе\\
у зялёным лузе.\\


Крыніца: Залацінкі: Зборнік вершаваных твораў. Мінск: Беларусь, 2001. – 235 с.

 


===== Падобныя старонкі =====
  * [[ibdc.ped>колер-кветак]]
  * [[ibdc.ped>дзіўныя-кветкі]]
  * [[ibdc.ped>японская-ружа]]
  * [[ibdc.ped>водар-дзядоўніку]]
  * [[ibdc.ped>васількі]]