~~META:
title = Васіль Жуковіч — У горадзе мары
&keywords = горадзе, дзеці, дзяцей, мары
&abstract = Чытаць верш Васіля Жуковіча "У горадзе мары"
&iftrue = nan
~~

====== Васіль Жуковіч — У горадзе мары ======
У горадзе Мары\\
ўсе любяць дзяцей,\\
там дзеці смяюцца\\
усё весялей.\\
\\
А слёзаў ніколькі\\
не ўбачыце ў іх:\\
ніхто і ніколі\\
не крыўдзіць малых.\\
\\
Матулі і таты\\
у згодзе жывуць,\\
дзяцей не кідаюць,\\
сям’ю берагуць.\\
\\
Ніхто не хварэе\\
у горадзе тым,\\
расказваюць казкі\\
старыя малым.\\
\\
А кніжкі чытаюць\\
малыя старым,\\
сябруюць спрадвеку\\
ўсе ў горадзе тым.\\
\\
Ласункаў уволю\\
штодня там даюць.\\
А стрыгчыся дзеці\\
да клоўнаў ідуць.\\
\\
I вучняў ніхто\\
не хвалюе дарма,\\
у школах – пяцёркі,\\
а двоек няма.\\
\\
Да горада Мары\\
білетаў няма,\\
яго уявіце\\
ты сам, ты сама.

\\
Крыніца: Залацінкі: Зборнік вершаваных твораў. Мінск: Беларусь, 2001. – 235 с.

 


===== Падобныя старонкі =====
  * [[ibdc.ped>васькава-мара]]
  * [[ibdc.ped>мара-здзейсніцца]]
  * [[творы/васіль-жуковіч/васіль-жуковіч-дзіўны-горад]]
  * [[ibdc.ped>запаветная-мара]]
  * [[ibdc.ped>прадвесне-мары]]