~~META:
title = Васіль Жуковіч — Травень
&keywords = вецер, травень
&abstract = Чытаць верш Васіля Жуковіча "Травень"
&iftrue = nan
~~

====== Васіль Жуковіч — Травень ======
Травень, ты – вясны вяршыня.\\
Ззяе сонца ў небе сінім.\\
Канюшына і рамонкі\\
разліваюць водар тонкі.\\
\\
Пахне мята з медуніцай.\\
Надыходзіць касавіца.\\
На палях, цяплом абжытых,\\
закрасуе хутка жыта.\\
\\
А сады – на заглядзенне:\\
дрэваў пышнае цвіценне.\\
Замірае нават вецер\\
перад яблынямі ў цвеце.\\
\\
І чмялі гудуць, і пчолы;\\
птушак спеў чуваць вясёлы.\\
Ад світання да змяркання –\\
трэлі, шчэбет і куванне.

 


===== Падобныя старонкі =====
  * [[творы/васіль-жуковіч/васіль-жуковіч-першы-снег]]
  * [[творы/васіль-жуковіч/васіль-жуковіч-жураўліны-вырай]]
  * [[творы/васіль-жуковіч/васіль-жуковіч-зіма]]
  * [[творы/васіль-жуковіч/васіль-жуковіч-адляцелі-жураўлі]]
  * [[творы/васіль-жуковіч/васіль-жуковіч-слухай-родную-прыроду]]