~~META:
title = Васіль Жуковіч — Сінічкі
&keywords = тук-тук-тук, акенцам, дзюбак, дзюбкі, перастук, дзень, цень-цень-цень, добры, стук
&abstract = Чытаць верш Васіля Жуковіча "Сінічкі"
&iftrue = nan
~~

====== Васіль Жуковіч — Сінічкі ======
За акенцам – цень-цень-цень,\\
гэта значыць: «Добры дзень!»\\
\\
Размалёваная птушка\\
прыляцела да кармушкі,\\
паспытала дзюбкай сала –\\
вось і ласавацца стала.\\
\\
За акенцам – тук-тук-тук,\\
гэта вострай дзюбкі стук,\\
тук-тук-тук і тук-тук-тук –\\
далікатнай дзюбкі стук.\\
\\
За акенцам – цень-цень-цень,\\
гэта значыць: «Добры дзень!»\\
\\
Прыляцелі да сінічкі\\
дзве маленькія сястрычкі.\\
– Мы таксама хочам есці...\\
– Калі ласка, разам ешце.\\
\\
За акенцам – тук-тук-тук,\\
гэта дзюбак перастук,\\
тук-тук-тук і тук-тук-тук –\\
вострых дзюбак перастук.

\\
\\
Крыніца: Залацінкі: Зборнік вершаваных твораў. Мінск: Беларусь, 2001. – 235 с.

 


===== Падобныя старонкі =====
  * [[творы/васіль-жуковіч/васіль-жуковіч-птушыная-мова]]
  * [[ibdc.ped>песня-птушкі]]
  * [[ibdc.ped>у-вясеннім-небе]]
  * [[творы/авяр-ян-дзеружынскі/авяр-ян-дзеружынскі-птушыныя-напевы]]
  * [[ibdc.ped>уладар-начной-пушчы]]