~~META:
title = Васіль Жуковіч — Сямейны аркестрык
&keywords = грае, барабан, маміна, баян, татаў, скрыпка, аркестрык, галоўны, малаваты
&abstract = Верш Васіля Жуковіча "Сямейны аркестрык"
&iftrue = nan
~~

====== Васіль Жуковіч — Сямейны аркестрык ======
Наш аркестрык сямейны\\
ён крыху малаваты,\\
ды заўсёды надзейны:\\
мы усе з адной хаты.\\
\\
Грае маміна скрыпка,\\
грае татаў баян.\\
І, вядома, не дрэмле\\
побач мой барабан.\\
\\
Наш вясёлы аркестрык\\
дружны, хоць малаваты,\\
дырыжора-маэстра\\
не чакаем на святы.\\
\\
Грае маміна скрыпка,\\
грае татаў баян.\\
Хто галоўны ў аркестры?\\
Можа, мой барабан?\\
\\
Мы суседзям ігралі,\\
і суседзі сказалі,\\
што нам час падавацца\\
ды на сцэну палаца!\\
\\
Грае маміна скрыпка,\\
грае татаў баян.\\
Хто галоўны ў аркестры?\\
Змоўкні ты, барабан!

 


===== Падобныя старонкі =====
  * [[творы/васіль-жуковіч/васіль-жуковіч-слухай-родную-прыроду]]
  * [[творы/васіль-жуковіч/васіль-жуковіч-адляцелі-жураўлі]]
  * [[творы/васіль-жуковіч/васіль-жуковіч-першы-снег]]
  * [[творы/васіль-жуковіч/васіль-жуковіч-зіма]]
  * [[творы/васіль-жуковіч/васіль-жуковіч-жураўліны-вырай]]