~~META:
title = Васіль Жуковіч — Слухай родную прыроду
&keywords = слухай
&abstract = Чытаць верш Васіля Жуковіча "Слухай родную прыроду"
&iftrue = nan
~~

====== Васіль Жуковіч — Слухай родную прыроду ======
У любую пару года,\\
у пагоду, непагоду\\
слухай родную прыроду –\\
ты пачуеш галасы\\
таямнічае красы.\\
\\
З лесам, з нівай залатою\\
размаўляе ветравей,\\
сонца-сонейка – з зямлёю,\\
з цішынёю – салавей,\\
\\
з небам – рэкі і азёры,\\
хваля – з ніцаю вярбой…\\
Як і што яны гавораць,\\
слухай, сябра любы мой.

 


===== Падобныя старонкі =====
  * [[ibdc.ped>зімовы-начлег]]
  * [[творы/якуб-колас/карціны-роднай-прыроды-ў-паэме-новая-зям]]
  * [[ibdc.ped>крыштальны-звон-бяроз]]
  * [[ibdc.ped>беражыце-прыроду]]
  * [[ibdc.ped>чалавек-і-прырода]]