~~META:
title = Васіль Жуковіч — Слова і справа
&keywords = будзеш, змалку
&abstract = Верш Васіля Жуковіча "Слова і справа"
&iftrue = nan
~~

====== Васіль Жуковіч — Слова і справа ======
Ёсць такое слова: «Трэба!»\\
Людзі з ім раслі заўжды.\\
Без яго – ну як без хлеба,\\
без паветра, без вады.\\
\\
Трэба сеяць і ахоўваць,\\
здабываць і будаваць,\\
шанаваць, расціць, выхоўваць,\\
пра сваю краіну дбаць.\\
\\
Ты расцеш. А час імчыцца.\\
Ад яго не адставай:\\
змалку ты любі вучыцца,\\
змалку веды здабывай!\\
\\
Кім захочаш быць – тым будзеш,\\
і, не знаючы тугі,\\
будзеш ты карысны людзям\\
і Радзіме дарагі.

 


===== Падобныя старонкі =====
  * [[слоўнік/слова]]
  * [[творы/рыгор-крушына/рыгор-крушына-слова]]
  * [[слоўнік/выдавецкая-справа]]
  * [[творы/іншае/слова-пра-паход-ігаравы]]
  * [[ibdc.ped>хто-ж-аўтар-слова-пра-паход-ігаравы]]