~~META:
title = Васіль Жуковіч — Свая дапамога
&keywords = маёй, мамачцы, неба, вазоны
&abstract = Чытаць верш Васіля Жуковіча "Свая дапамога"
&iftrue = nan
~~

====== Васіль Жуковіч — Свая дапамога ======
Нават неба пацямнела,\\
сонейка не бачу я:\\
нечакана захварэла\\
мамачка мая.\\
\\
У яе тэмпература,\\
цяжка мамачцы маёй.\\
I таблеткі, і мікстуру\\
я прыношу ёй.\\
\\
– Ці лякарства памагае? –\\
Запытаўся ў мамы я.\\
Кажа мама: – Ой, якая\\
Лёгкая рука твая!..\\
\\
Я памыю сам пасуду\\
і вазоны ўсе палью.\\
Берагчы заўсёды буду\\
мамачку маю.\\
\\
Вось і неба пасвятлела,\\
ззяе сонца над зямлёй,\\
мо таму што палягчэла\\
мамачцы маёй!

 


===== Падобныя старонкі =====
  * [[ibdc.ped>сустрэча-з-маці]]
  * [[ibdc.ped>i-надыходзіць-дзень]]
  * [[ibdc.ped>на-скрыжаванні]]
  * [[творы/янка-золак/янка-золак-ода-маці]]
  * [[ibdc.ped>да-маці]]