~~META:
title = Васіль Жуковіч — Першая настаўніца
&keywords = настаўніца, запомняцца, найпершая
&abstract = Чытаць верш Васіля Жуковіча "Першая настаўніца"
&iftrue = nan
~~

====== Васіль Жуковіч — Першая настаўніца ======
Мне першая настаўніца\\
запомніцца навек,\\
найпершая настаўніца –\\
мой родны чалавек.\\
\\
Такая клапатлівая,\\
ласкавая яна,\\
як веснавое сонейка,\\
як цёплая вясна.\\
\\
Запомняцца, запомняцца\\
урокі дабраты.\\
У нашае настаўніцы\\
характар залаты.\\
\\
Усходамі парадуе\\
пасеянае ёй.\\
Найпершая настаўніца –\\
святло душы маёй.\\


\\
Крыніца: Залацінкі: Зборнік вершаваных твораў. Мінск: Беларусь, 2001. – 235 с.

 


===== Падобныя старонкі =====
  * [[ibdc.ped>дарога-ў-школу]]
  * [[ibdc.ped>вясковы-асветнік]]
  * [[творы/кастусь-жук/кастусь-жук-урок]]
  * [[творы/авяр-ян-дзеружынскі/авяр-ян-дзеружынскі-хто-вас-у-школу-сабі]]
  * [[творы/мікола-чарняўскі/мікола-чарняўскі-пайшлі-ад-нас-канікулы]]