~~META:
title = Васіль Жуковіч — На парадзе
&keywords = ідуць, сівыя, ветэраны, франтавікі, былыя, партызаны, народ
&abstract = Верш Васіля Жуковіча "На парадзе"
&iftrue = nan
~~

====== Васіль Жуковіч — На парадзе ======
Ідуць, ідуць сівыя ветэраны –\\
франтавікі былыя, партызаны, –\\
святочны пачынаецца парад, –\\
увесь народ героям родным рад.\\
\\
Ім усцілаем кветкамі дарогу,\\
і музыка ляціць ва ўсе канцы,\\
бо здабылі народу перамогу\\
авеяныя славаю байцы,\\
бо ўвесь цяжар крывавае вайны\\
пранеслі пад агнём яны.\\
\\
Асколкі іх і кулі апякалі.\\
Не раз яны пасля цяжкіх баёў\\
у шар зямны, паволі апускалі\\
у плашч-палатках баявых сяброў.\\
\\
Калонамі сівыя ветэраны,\\
франтавікі былыя, партызаны\\
пад небам распагоджаным ідуць\\
да помніка на плошчы Перамогі,\\
туды, дзе скрыжаваліся дарогі,\\
вянкі салдацкай памяці кладуць.

 


===== Падобныя старонкі =====
  * [[творы/васіль-жуковіч/васіль-жуковіч-першы-снег]]
  * [[творы/васіль-жуковіч/васіль-жуковіч-адляцелі-жураўлі]]
  * [[творы/васіль-жуковіч/васіль-жуковіч-жураўліны-вырай]]
  * [[творы/васіль-жуковіч/васіль-жуковіч-зіма]]
  * [[творы/васіль-жуковіч/васіль-жуковіч-слухай-родную-прыроду]]