~~META:
title = Васіль Жуковіч — Ляцяць сняжынкі
&keywords = ляцяць, лес, сняжынкі
&abstract = Чытаць верш Васіля Жуковіча "Ляцяць сняжынкі"
&iftrue = nan
~~

====== Васіль Жуковіч — Ляцяць сняжынкі ======
Глядзі, які дзянёк цудоўны:\\
ляцяць сняжынкі ў цішыні,\\
прыслухайся – ледзь-ледзь улоўны\\
ідзе шумочак з вышыні.\\
\\
Ляцяць сняжыначкі павольна,\\
зачараваныя зямлёй,\\
ім гэтак лёгка і прывольна\\
над лесам, полем, над ракой.\\
\\
Ляцяць сняжынкі з сівай хмары,\\
як матылёчкі на святло,\\
і ўсё пра іх, здаецца, марыць –\\
і лес, і поле, і сяло.

 


===== Падобныя старонкі =====
  * [[творы/пятрусь-макаль/пятрусь-макаль-бялее-снег-пушысты]]
  * [[творы/васіль-жуковіч/васіль-жуковіч-слухай-родную-прыроду]]
  * [[творы/васіль-жуковіч/васіль-жуковіч-першы-снег]]
  * [[творы/васіль-жуковіч/васіль-жуковіч-адляцелі-жураўлі]]
  * [[творы/васіль-жуковіч/васіль-жуковіч-жураўліны-вырай]]