~~META:
title = Васіль Жуковіч — Канчаецца лета
&keywords = жнівень, лета
&abstract = Чытаць верш Васіля Жуковіча "Канчаецца лета"
&iftrue = nan
~~

====== Васіль Жуковіч — Канчаецца лета ======
Жнівень – месяц дужа дбайны\\
(Дзень даволі йшчэ даўгі) –\\
Па палях ідуць камбайны,\\
На лугах растуць стагі.\\
\\
У садах плады цяжэюць,\\
Шмат брусніцы у лясах.\\
Тут рабіны прыгажэюць:\\
Гронак яркая краса.\\
\\
А лісічкі дружна гэтак\\
І іскрава прараслі,\\
Быццам золата манетак\\
Хто рассыпаў на зямлі.\\
\\
Разліваючыся шырай,\\
Туманок плыве з ракі,\\
І рыхтуюцца ўжо ў вырай\\
Ластаўкі і жаўрукі.\\
\\
Лета- лецейка мінае,\\
Ды прырода сну не знае.

 


===== Падобныя старонкі =====
  * [[ibdc.ped>шчаслівая-ўсмешка-лета]]
  * [[ibdc.ped>летам-у-бары]]
  * [[творы/сяргей-грахоўскі/сяргей-грахоўскі-лета]]
  * [[творы/якуб-колас/якуб-колас-лета]]
  * [[творы/максім-багдановіч/максім-багдановіч-плакала-лета-зямлю-пак]]