~~META:
title = Васіль Жуковіч — Калядная вячэра
&keywords = булкі, пернікі, смаку
&abstract = Чытаць верш Васіля Жуковіча "Калядная вячэра"
&iftrue = nan
~~

====== Васіль Жуковіч — Калядная вячэра ======
Гэткай смачнае куцці\\
вы не елі у жыцці.\\
\\
I блінцы калядныя\\
дужа-дужа ладныя.\\
\\
А кісель ды аўсяны\\
яшчэ лепшы за бліны.\\
\\
А згатуеце гароху –\\
з'ясце многа й яшчэ троху.\\
\\
Селядцы ёсць і грыбкі –\\
пах ідзе ва ўсе бакі.\\
\\
Пернікі ды булкі з макам\\
будуць, пэўна, ўсім да смаку.\\
\\
Журавінавы напітак\\
будзе піцца з апетытам.\\
\\
Усе стравы сытныя,\\
надта апетытныя!

 


===== Падобныя старонкі =====
  * [[творы/юрась-свірка/юрась-свірка-свята]]
  * [[творы/васіль-вітка/васіль-вітка-свята-настаўніцы]]
  * [[творы/мікола-чарняўскі/мікола-чарняўскі-ёлка]]
  * [[творы/казімір-камейша/казімір-камейша-сакавік]]
  * [[творы/васіль-жуковіч/васіль-жуковіч-цудоўныя-святы]]