~~META:
title = Васіль Жуковіч — Дзіўны горад
&keywords = горад, бачыў
&abstract = Чытаць верш Васіля Жуковіча "Дзіўны горад"
&iftrue = nan
~~

====== Васіль Жуковіч — Дзіўны горад ======
Горад бачыў я цудоўны\\
у далёкай старане,\\
горад быў ласункаў поўны,\\
ён запамятаўся мне.\\
\\
З цукру там былі дарогі,\\
ледзянцовыя масты,\\
шакаладныя стаялі\\
кветкі, дрэвы і кусты.\\
\\
Білі там фантаны фанты\\
і ракою поўнай цёк\\
ну такі ўжо свежы, смачны\\
ды з мядовым пахам сок!\\
\\
I марожанага горы\\
там ляжалі, быццам снег…\\
Бачыў я салодкі горад\\
у сваім салодкім сне.

 


===== Падобныя старонкі =====
  * [[ibdc.ped>васькава-мара]]
  * [[творы/васіль-жуковіч/васіль-жуковіч-у-горадзе-мары]]
  * [[ibdc.ped>мара-здзейсніцца]]
  * [[ibdc.ped>прадвесне-мары]]
  * [[ibdc.ped>запаветная-мара]]