~~META:
title = Васіль Жуковіч — Гуканне вясны
&keywords = свята, жавароначкі, гукаем, прыляціце
&abstract = Чытаць верш Васіля Жуковіча "Гуканне вясны"
&iftrue = nan
~~

====== Васіль Жуковіч — Гуканне вясны ======
Свята песенькай сустракаем,\\
вясну весела мы гукаем:\\
\\
«Жавароначкі, прыляціце,\\
цёпла лецейка прынясіце».\\
\\
Ходзім радасна карагодам.\\
Выглянь, сонейка, дай пагоду!\\
\\
Шчасце-долечку мы гукаем,\\
мы зямлю сваю адмыкаем.\\
\\
«Жавароначкі, прыляціце,\\
зямлю-матухну абудзіце».\\
\\
Жыта-жыцейка хай рунее,\\
кветкі-красачкі хай квітнеюць.\\
\\
Свята шчырае мы сустрэлі.\\
Птушкі з выраю прыляцелі.

 


===== Падобныя старонкі =====
  * [[творы/васіль-жуковіч/васіль-жуковіч-зіма]]
  * [[творы/васіль-жуковіч/васіль-жуковіч-адляцелі-жураўлі]]
  * [[творы/васіль-жуковіч/васіль-жуковіч-жураўліны-вырай]]
  * [[творы/васіль-жуковіч/васіль-жуковіч-першы-снег]]
  * [[творы/васіль-жуковіч/васіль-жуковіч-слухай-родную-прыроду]]