~~META:
title = Васіль Жуковіч — Вавёрачка і Зубраня
&keywords = чытала
&abstract = Байка Васіля Жуковіча "Вавёрачка і Зубраня"
&iftrue = nan
~~

====== Васіль Жуковіч — Вавёрачка і Зубраня ======
Аднойчы неяк у нядзелю\\
сям’я Зуброў\\
па тэлевізары глядзела\\
канцэрт звяроў.\\
Там быў адзін выдатны нумар:\\
Вавёрачка чытала гумар.\\
Яна так хораша чытала,\\
так натуральна жартавала,\\
аж пазайздросціла Зубрыха,\\
свайго малога папракнула ціха:\\
– А ты хіба, маё дзіцятка,\\
так, як Вавёрка, не змагло б?..\\
Ды Зубранятка\\
паморшчыла шырокі лоб,\\
пасля крутнула смешна мызай:\\
– Хіба ж я ўлезу ў тэлевізар?

 


===== Падобныя старонкі =====
  * [[творы/васіль-жуковіч/васіль-жуковіч-зіма]]
  * [[творы/васіль-жуковіч/васіль-жуковіч-адляцелі-жураўлі]]
  * [[творы/васіль-жуковіч/васіль-жуковіч-жураўліны-вырай]]
  * [[творы/васіль-жуковіч/васіль-жуковіч-першы-снег]]
  * [[творы/васіль-жуковіч/васіль-жуковіч-слухай-родную-прыроду]]