Бывай, бывай, дваццатае стагоддзе!
Душой збалелай не магу крывіць:
стагоддзе слёзаў горкіх і крыві,
на цяжкі смутак ты душу наводзіш.

Жах войнаў і рэпрэсій ці сыходзіць?
А чорны след чарнобыльскай бяды?..
Мая краіна, пойдзеш ты куды?
Няўжо ты здрадзіш праўдзе і свабодзе?!

Як без паветра, я без іх загіну.
Дай веры мне: не пойдзеш па касцях,
ты болей не заблудзішся, Краіна;

да сонца ўскінеш горды продкаў сцяг,
з туману ірвануўшы на прасцяг, –
цябе даўно чакае шлях адзіны.

• пімен-панчанка/пімен-панчанка-краіна-мая
• васіль-жуковіч/васіль-жуковіч-адляцелі-жураўлі
• краіна-здароўя
• цішка-гартны/цішка-гартны-роднай-краіне
• васіль-жуковіч/васіль-жуковіч-жураўліны-вырай