~~META:
title = Васіль Жуковіч — Бывай, бывай, дваццатае стагоддзе!
&keywords = краіна, пойдзеш, бывай, стагоддзе
&abstract = Чытаць верш Васіля Жуковіча "Бывай, бывай, дваццатае стагоддзе!"
&iftrue = nan
~~

====== Васіль Жуковіч — Бывай, бывай, дваццатае стагоддзе! ======
Бывай, бывай, дваццатае стагоддзе!\\
Душой збалелай не магу крывіць:\\
стагоддзе слёзаў горкіх і крыві,\\
на цяжкі смутак ты душу наводзіш.\\
\\
Жах войнаў і рэпрэсій ці сыходзіць?\\
А чорны след чарнобыльскай бяды?..\\
Мая краіна, пойдзеш ты куды?\\
Няўжо ты здрадзіш праўдзе і свабодзе?!\\
\\
Як без паветра, я без іх загіну.\\
Дай веры мне: не пойдзеш па касцях,\\
ты болей не заблудзішся, Краіна;\\
\\
да сонца ўскінеш горды продкаў сцяг,\\
з туману ірвануўшы на прасцяг, –\\
цябе даўно чакае шлях адзіны.

 


===== Падобныя старонкі =====
  * [[творы/пімен-панчанка/пімен-панчанка-краіна-мая]]
  * [[творы/васіль-жуковіч/васіль-жуковіч-адляцелі-жураўлі]]
  * [[ibdc.ped>краіна-здароўя]]
  * [[творы/цішка-гартны/цішка-гартны-роднай-краіне]]
  * [[творы/васіль-жуковіч/васіль-жуковіч-жураўліны-вырай]]