~~META:
title = Васіль Жуковіч — Беларуская старонка
&keywords = беларуская, дарагая, карціна, сэрцу, жыта, рэчка, небакраю, горачка, раўніна
&abstract = Чытаць верш Васіля Жуковіча "Беларуская старонка"
&iftrue = nan
~~

====== Васіль Жуковіч — Беларуская старонка ======
Лес ідзе да небакраю.\\
Рэчка, горачка, раўніна…\\
Вечна сэрцу дарагая\\
Беларуская карціна.\\
\\
Ля крыніцы – медуніцы,\\
Дзе даліна – канюшына,\\
Дзе лясочак – верасочак, –\\
Ой ты, родная мясціна!\\
\\
А пад ветрыкам у полі\\
Хваляй ціхай жыта ходзіць\\
На прасторы, на прыволлі\\
Сэрца мне яно лагодзіць.\\
\\
Жыта наша – з васількамі,\\
Неба наша – з жаўрукамі.\\
Апяваюць песняй звонкай\\
Птушкі родную старонку.\\
\\
Лес ідзе да небакраю,\\
Рэчка, горачка, раўніна…\\
Вечна сэрцу дарагая\\
Беларуская карціна.\\
\\
Я красу тваю кахаю,\\
Ніў, лясоў і рэк гамонку,\\
Непаўторная, святая\\
Беларуская старонка!

 


===== Падобныя старонкі =====
  * [[ibdc.ped>ганарымся-бацькаўшчынай]]
  * [[ibdc.ped>скарбы-нашай-радзімы]]
  * [[творы/алесь-бачыла/алесь-бачыла-радзіма-мая-дарагая]]
  * [[творы/янка-купала/тэма-народнага-жыцця-і-любоў-да-радзімы-]]
  * [[творы/алесь-разанаў/алесь-разанаў-радзіма]]