~~META:
title = Васіль Жуковіч — Адляцелі жураўлі
&keywords = таполі, смутак
&abstract = Чытаць верш Васіля Жуковіча "Адляцелі жураўлі"
&iftrue = nan
~~

====== Васіль Жуковіч — Адляцелі жураўлі ======
Над балотам, над лугам, над полем,\\
над прасторам радзімай зямлі,\\
дзе пад воблакі мкнуцца таполі,\\
вострым клінам плылі жураўлі.\\
\\
I пачуліся ў песні кароткай\\
шкадаванне і смутак такі,\\
быццам жоравы\\
з небам продкаў\\
расставаліся на вякі.\\
\\
I калі непрыкметна расталі\\
ў вышыні, над смугою палёў,\\
мне таполі нагадваць сталі\\
пер’е шэрае жураўлёў...\\
\\
Ці прытуліцца вецер да весніц,\\
ці вяршаліны дрэў гайдане –\\
чую зноў развітальную песню,\\
адгукаецца смутак ва мне.

 


===== Падобныя старонкі =====
  * [[творы/якуб-колас/якуб-колас-адлёт-жураўлёў]]
  * [[ibdc.ped>жураўлі]]
  * [[творы/аляксей-пысін/аляксей-пысін-жураўліны-бераг]]
  * [[творы/міхась-кавыль/міхась-кавыль-жураўлі]]
  * [[ibdc.ped>танец-жураўлёў-3336]]