~~META:
title = Васіль Вітка — Ёсць на зямлі
&keywords = салодкі, саладзей
&abstract = Чытаць верш Васіля Віткі "Ёсць на зямлі"
&iftrue = nan
~~

====== Васіль Вітка — Ёсць на зямлі ======
Ёсць на зямлі такі куток,\\
З якім навек я злучаны,\\
Адкуль ступіў свой першы крок –\\
Мая радзіма – Случчына.\\
\\
Не зводзіліся ўсе вякі\\
На Случчыне паэты.\\
Вянкі іх песень – рушнікі,\\
Сурвэты – іх санеты.\\
\\
Увекавечыў Слуцак нас\\
Сваімі паясамі.\\
А пра цяперашні наш час\\
Вы ведаеце самі.\\
\\
Пачуўшы ад старых людзей,\\
На ўласны смак праверыў –\\
Няма нічога саладзей\\
Славутай слуцкай бэры.\\
\\
А тыя, хто памаладзей,\\
Перадаюць унукам –\\
Няма нічога саладзей,\\
Чым слаўны слуцкі цукар.\\
\\
Сябры, паверце земляку:\\
За век свой некароткі\\
Я ўпэўніўся, што случаку\\
Увесь наш край салодкі.\\
\\
Над Случчынай салодкі звон,\\
Як рой наўкола маткі.\\
Люблю яшчэ з дзіцячых дзён\\
Салодкія загадкі.\\
\\
1976

 


===== Падобныя старонкі =====
  * [[ibdc.ped>случчына]]
  * [[ibdc.ped>слуцкія-паясы-4086]]
  * [[творы/васіль-быкаў/васіль-быкаў-на-чорных-лядах]]
  * [[творы/васіль-вітка/васіль-вітка-трывога-ў-ельнічах]]
  * [[постаці/васіль-вітка]]