~~META:
title = Васіль Вітка — Хто што робіць
&keywords = даглядае
&abstract = Чытаць верш Васіля Віткі "Хто што робіць"
&iftrue = nan
~~

====== Васіль Вітка — Хто што робіць ======
Даглядае пчол пчаляр,\\
Стол майструе сталяр,\\
Шыбы ў вокны ставіць шкляр,\\
Беліць сцены маляр,\\
Чысціць комін камінар,\\
Сыры варыць сыравар,\\
Ну а цукар – цукравар.\\
\\
З футра выкраіў каўнер\\
Мне на паліто кушнер,\\
Боты мне пашыў шавец,\\
Новыя штаны – кравец,\\
Цацку з дрэва майстры\\
Выразалі – разьбяры.\\
Цяпер сам разбяры,\\
А што робяць ганчары,\\
Бандары, цесляры,\\
Муляры, млынары,\\
Дактары, друкары,\\
Хто даглядае трактары,\\
А хто коней на стайні,\\
А хто вучыць нас?

 


===== Падобныя старонкі =====
  * [[творы/артур-вольскі/артур-вольскі-ад-а-да-я-прафесія-мая]]
  * [[ibdc.ped>кліпмейкер]]
  * [[творы/эдзі-агняцвет/эдзі-агняцвет-хто-пачынае-дзень]]
  * [[творы/васіль-вітка/васіль-вітка-трывога-ў-ельнічах]]
  * [[творы/васіль-жуковіч/васіль-жуковіч-выбіраю-прафесію]]