~~META:
title = Васіль Вітка — Трыпутнік
&keywords = пакутнік, трыпутнік, уздоўж
&abstract = Чытаць верш Васіля Віткі "Трыпутнік"
&iftrue = nan
~~

====== Васіль Вітка — Трыпутнік ======
Уздоўж дарожных каляін,\\
Уздоўж абходжаных сцяжын\\
Яго заўважыць\\
Кожны\\
Падарожны.\\
\\
Яго нямала топча ног –\\
I босых, і абутых.\\
Другі б ужо змарнеў, знямог\\
У крыўдах і пакутах,\\
А ён расце, трыпутнік,\\
А ён цвіце, пакутнік.\\
\\
Я думаў, можа быць, людзьмі\\
Ён гэтак пакараны,\\
А людзі раяць – прыкладзі\\
Яго лісток да раны:\\
Суніме боль трыпутнік,\\
Ўсё выцягне, пакутнік.\\
\\
З дзіцячых год запомніў я\\
Шырокі ліст прыкметны\\
I добрае тваё імя,\\
Мой дружа запаветны,\\
Зялёны мой пакутнік,\\
Трывалы мой трыпутнік!\\
\\
1946

 


===== Падобныя старонкі =====
  * [[творы/васіль-вітка/васіль-вітка-слова]]
  * [[творы/васіль-вітка/васіль-вітка-генерал-верабей]]
  * [[творы/васіль-вітка/васіль-вітка-ружа-і-штык]]
  * [[творы/васіль-вітка/васіль-вітка-трывога-ў-ельнічах]]
  * [[постаці/васіль-вітка]]