~~META:
title = Васіль Вітка — Прыляцелі госці
&keywords = госці
&abstract = Чытаць верш Васіля Віткі "Прыляцелі госці"
&iftrue = nan
~~

====== Васіль Вітка — Прыляцелі госці ======
Прыляцелі госці,\\
Селі на памосце,\\
\\
Сталі сакатаці,\\
Просяць есці даці.\\
\\
Вазьму ў сенцах сіта,\\
Вынесу ім жыта.\\
\\
З рукаўца мяшэчка\\
Пачастую грэчкай.\\
\\
Дам паўрукавіцы\\
Ярыцы-пшаніцы.\\
\\
Кіну ўсім патроху\\
Бобу і гароху.\\
\\
На закуску жменю\\
Сыпану ячменю.\\
\\
Прыляцелі госці\\
Частункі выносьце:\\
\\
Старому –\\
Арэшкі,\\
Малому –\\
Пацешкі.

 


===== Падобныя старонкі =====
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[ibdc.ped>птушкі-шчасця]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/раман-янкі-брыля-птушкі-і-гнёзды-вобраз-]]