~~META:
title = Васіль Вітка — Помнік ласю
&keywords = кручай
&abstract = Верш Васіля Віткі "Помнік ласю"
&iftrue = nan
~~

====== Васіль Вітка — Помнік ласю ======
Як вадаспад, пясок сыпучы\\
Цурчыць струменем пад адхон...\\
Ён выбег з лесу, стаў над кручай\\
І так стаіць, усім відзён.\\
\\
Пад ім шаша няспынным рухам\\
Шуміць, машынамі гудзе.\\
– Глядзіце, лось! – А ён і вухам\\
Не варухне, не павядзе.\\
\\
Як тонкая страла, нацяты,\\
Рагамі ўпёрся у блакіт.\\
Такім на памяць ён узяты\\
І ў бронзе на заказ адліт.\\
\\
І як далёкі адгалосак,\\
Дзе славу ён сваю насіў, –\\
І назвы навакольных вёсак,\\
І нават прозвішчы – Ласі,\\
\\
О людзі! – як сказаў бы класік, –\\
Не любіце прыроды вы.\\
Няхай бы ж ён і ў нашым часе\\
Стаяў над кручаю жывы.\\
\\
І, спуджаны гудком машыны,\\
Зноў кінуцца ў гушчарнік мог\\
І каля цёмнае яліны\\
Біў капытамі рыжы мох.

 


===== Падобныя старонкі =====
  * [[творы/анатоль-грачанікаў/анатоль-грачанікаў-каля-помніка-партызан]]
  * [[ibdc.ped>помнікі-жывёлам]]
  * [[ibdc.ped>помнікі-студэнтам]]
  * [[ibdc.ped>помнік-3520]]
  * [[творы/васіль-зуёнак/васіль-зуёнак-помнік]]