~~META:
title = Васіль Вітка — Перапёлка
&keywords = пара, спаць, жыта, відна
&abstract = Верш Васіля Віткі "Перапёлка"
&iftrue = nan
~~

====== Васіль Вітка — Перапёлка ======
З вечара і да відна\\
Усё заве мяне яна.\\
На хвілінку б сціхла хоць:\\
– Уставай! Ідзі палоць!\\
\\
Я пайду злаўлю яе,\\
Бо гнязда ж яна не ўе\\
Ні ў дупле і ні ў галлі,\\
Зробіць ямачку ў раллі,\\
Высцеле травою –\\
Вось і ўсе пакоі.\\
Да зямлі ўсё туліцца,\\
Дзюбай жыта чэша,\\
А лятаць лянуецца,\\
Болей ходзіць пеша.\\
\\
Я ўсё жыта абышоў\\
І гарахавішча,\\
Хітрай птушкі не знайшоў –\\
Днём яна не свішча.\\
Як нямая цэлы дзень,\\
А як ляжа ночы цень,\\
Выйдзе першая зара,\\
Закрычыць тады яна:\\
– Спаць пара! Спаць пара!\\
А сама не спіць адна\\
Аж да самага відна.

 


===== Падобныя старонкі =====
  * [[творы/васіль-вітка/васіль-вітка-слова]]
  * [[творы/васіль-вітка/васіль-вітка-трывога-ў-ельнічах]]
  * [[постаці/васіль-вітка]]
  * [[творы/васіль-вітка/васіль-вітка-ружа-і-штык]]
  * [[творы/клаўдзія-каліна/клаўдзія-каліна-жнівень]]