~~META:
title = Васіль Вітка — Месяцы
&keywords = чэрвень
&abstract = Чытаць верш Васіля Віткі "Месяцы"
&iftrue = nan
~~

====== Васіль Вітка — Месяцы ======
Кожны месяц – чараўнік:\\
Студзень, люты, сакавік,\\
Красавік, і май, і чэрвень.\\
\\
Едзе наш дзетсад у Чэрвень:\\
Ліпень, жнівень, верасень –\\
Ўсе лясы у верасе.\\
\\
А кастрычнік, лістапад –\\
Хто з нас восені не рад!\\
\\
Зацярусіць снегам снежань,\\
I не ўлежыць нават лежань:\\
Ўсе на санкі, на канькі –\\
Незабыўныя дзянькі!\\
Лепшае пары няма,\\
Дзякуй, зімачка-зіма!

 


===== Падобныя старонкі =====
  * [[творы/уладзімір-дубоўка/уладзімір-дубоўка-ноч-на-прыпяці-і-казка]]
  * [[постаці/васіль-вітка]]
  * [[творы/васіль-вітка/васіль-вітка-ружа-і-штык]]
  * [[творы/васіль-вітка/васіль-вітка-трывога-ў-ельнічах]]
  * [[творы/васіль-вітка/васіль-вітка-слова]]