~~META:
title = Васіль Вітка — Калыханка
&keywords = каток, люлі, дадому, палез, думаў, пайшоў
&abstract = Чытаць "Калыханку" Васіяь Віткі
&iftrue = nan
~~

====== Васіль Вітка — Калыханка ======
Люлі, Люлі, Люлі,\\
Дзеткі ўсе паснулі.\\
\\
Не спіць толькі коця,\\
Ходзіць па балоце.\\
\\
Застудзіў ён лапку,\\
Прыйшоў грэцца ў хатку.\\
\\
Недзе коцю дзецца,\\
Лапачцы пагрэцца.\\
\\
Палез на палаткі,\\
Спалохаўся бабкі.\\
\\
Палез ён на вышкі,\\
Там гулялі мышкі,\\
\\
Так яны дурэлі –\\
Хвост кату ад’елі.\\
\\
Пайшоў каток у лясок,\\
Знайшоў белы паясок,\\
\\
А котачка узяла\\
I дзіцяці аддала.\\
\\
Пайшоў каток пад масток,\\
Злавіў рыбку за хвасток.\\
\\
Ці самому з’есці,\\
Ці дадому несці?\\
\\
Думаў, думаў каток,\\
Укусіў адзін разок\\
\\
I панёс дадому\\
Дзіцятку малому.

 


===== Падобныя старонкі =====
  * [[ibdc.ped>калыханка]]
  * [[слоўнік/калыханка]]
  * [[творы/алесь-камароўскі/алесь-камароўскі-чарнобыльская-калыханка]]
  * [[творы/генадзь-бураўкін/генадзь-бураўкін-калыханка]]
  * [[творы/ніна-мацяш/ніна-мацяш-калыханка-маме]]