~~META:
title = Васіль Вітка — Казкі дзеда Васіля
&keywords = дзед, васіль
&abstract = Чытаць верш Васіля Віткі "Казкі дзеда Васіля"
&iftrue = nan
~~

====== Васіль Вітка — Казкі дзеда Васіля ======
Жыў на свеце дзед Васіль,\\
За плячыма мех насіў.\\
\\
Дазналіся мышкі,\\
Што ў мяшэчку кніжкі,\\
\\
Разгрызлі завязкі,\\
Бачаць, ажно ж – казкі.\\
\\
Сталі клікаць дзяцей:\\
– Гэй, сюды ўсе хутчэй!\\
\\
Ёсць тут маляванкі,\\
Складанкі – чытанкі,\\
\\
Байкі-самаграйкі,\\
Песні-калыханкі,\\
\\
Жарты-перакруткі,\\
Гулі-самагудкі,\\
\\
Лічылкі, загадкі,\\
Ладачкі-ладкі…\\
\\
Падыходзьце, малышы,\\
Кожнаму пацешка ёсць!\\
\\
Дзед Васіль, а ты пішы\\
I яшчэ нам прынось.

 


===== Падобныя старонкі =====
  * [[творы/павел-місько/павел-місько-як-дзеда-дзялілі]]
  * [[творы/артур-вольскі/артур-вольскі-дзіўны-дзед]]
  * [[творы/уладзіслаў-галубок/уладзіслаў-галубок-забытая-хатка]]
  * [[творы/уладзімір-дубоўка/уладзімір-дубоўка-пра-дзеда-і-ўнука]]
  * [[творы/васіль-зуёнак/васіль-зуёнак-ехаў-дзед-дадому]]