~~META:
title = Васіль Вітка — Добры знак
&keywords = асцярожна, дзеці
&abstract = Чытаць верш Васіля Віткі "Добры знак"
&iftrue = nan
~~

====== Васіль Вітка — Добры знак ======
І шафёр, і пешаход\\
Кожны знае ў свеце\\
Знак увагі – пераход!\\
Асцярожна – дзеці!\\
\\
Грузавік спыніў свой ход,\\
Сталі легкавушкі.\\
Асцярожна – пералёт!\\
Асцярожна – птушкі!\\
\\
Кожны падарожны рад\\
Прывітаць, прывеціць:\\
– Добрай раніцы, дзетсад!\\
Добры шлях вам, дзеці!\\
\\
Нават сонца маладзей\\
Глянула з блакіту –\\
Гэта будучыні дзень\\
Выйшаў на арбіту.\\
\\
Хай заўсёды з веку ў век\\
Добрым знакам будзе:\\
Асцярожна – чалавек!\\
Асцярожна – людзі!\\
\\
1977

 


===== Падобныя старонкі =====
  * [[творы/васіль-вітка/васіль-вітка-трывога-ў-ельнічах]]
  * [[творы/васіль-быкаў/знак-бяды]]
  * [[творы/васіль-быкаў/мастацкія-асаблівасці-аповесці-васіля-бы-5871]]
  * [[творы/васіль-быкаў/васіль-быкаў-знак-бяды]]
  * [[творы/васіль-быкаў/аповесць-васіля-быкава-знак-бяды-яе-ідэй]]