~~META:
title = Васіль Вітка — Генерал верабей
&keywords = Вітка, генерал, верабей
&abstract = Чытаць верш "Генерал верабей" Васіля Віткі
&iftrue = nan
~~

====== Васіль Вітка — Генерал верабей ======
Гэй, дарогу, гэй, шырэй,\\
Лес густы, высокі —\\
На машыне верабей\\
Едзе да сарокі.\\
\\
У пагонах, у шнурах,\\
У шпорах са звонам.\\
Белабока толькі: — Ах! —\\
Сказала з паклонам.\\
\\
— Калі ласка, ваша чэсць,\\
Я даўно чакала.\\
Запрашаю за стол сесць\\
Госця-генерала.\\
\\
Налучыўся тут мядзведзь\\
На такое дзіва:\\
— Цьфу, няма на што глядзець!\\
I ўсміхнуўся крыва.\\
\\
Усхапіўся верабей,\\
Адважны задзіра,\\
Як падыме крык: — Не смей\\
Зневажаць мундзіра!\\
\\
Загрудкі мядзведзя — цап:\\
— Ведай, з кім заняўся!\\
Ледзьве з вераб'ёвых лап\\
Мішка ўратаваўся.\\
\\
1962

 


===== Падобныя старонкі =====
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[ibdc.ped>птушкі-шчасця]]