~~META:
title = Васіль Вітка — Вартавы часу
&keywords = скажаце
&abstract = Чытаць верш Васіля Віткі "Вартавы часу"
&iftrue = nan
~~

====== Васіль Вітка — Вартавы часу ======
Ён – лепшы наш прыхільнік,\\
Спаць позна не дае.\\
Вы скажаце – будзільнік,\\
Э, не, сябры мае.\\
\\
Вы скажаце, напэўна, –\\
Найлепш вартуе час\\
Гарласты бабін певень,\\
Што нас будзіў не раз.\\
\\
Прычыну знойдзе кожны,\\
Хто сам паспаць ахвоч.\\
Вартаўніку няможна,\\
I ён не зводзіць воч.\\
\\
Ноч цемраю агорне\\
Навокала зямлю –\\
Упарты, непакорны,\\
Ён кажа: – Я не сплю!\\
\\
Праб’е шчыліну ў небе,\\
Уважліва глядзіць –\\
Каму на працу трэба,\\
Каго пара будзіць.\\
\\
I ночы шкарлупіну\\
Крамсае на шматкі,\\
Не знаючы спачыну\\
Бяссонныя вякі.\\
\\
Світаннем пачынае\\
Ён свой працоўны дзень,\\
Ён першы нас вітае,\\
Сонечны прамень.

 


===== Падобныя старонкі =====
  * [[творы/васіль-вітка/васіль-вітка-генерал-верабей]]
  * [[постаці/васіль-вітка]]
  * [[творы/васіль-вітка/васіль-вітка-ружа-і-штык]]
  * [[творы/васіль-вітка/васіль-вітка-слова]]
  * [[творы/васіль-вітка/васіль-вітка-трывога-ў-ельнічах]]