~~META:
title = Артур Вольскі — Хачу служыць…
&keywords = брат, служыць, войску, беларускім
&abstract = Чытаць верш Артура Вольскага "Хачу служыць…"
&iftrue = nan
~~

====== Артур Вольскі — Хачу служыць… ======
Мой брат –\\
хлапец геройскі,\\
і за яго я рад:\\
у беларускім войску\\
пайшоў служыць мой брат.\\
\\
Пра Грунвальд і пра Воршу\\
мне брат мой распавёў.\\
– Хіба, –\\
казаў, –\\
я горшы\\
за продкаў-ваяроў?\\
\\
Учора\\
на парадзе –\\
прыгожы быў парад! –\\
у самым першым радзе\\
ішоў мой родны брат.\\
\\
Я братам ганаруся,\\
бо з гэткімі, як ён,\\
ніколі\\
Беларусі\\
не трапіць у палон.\\
\\
А вам скажу па-свойску:\\
хай час хутчэй бяжыць,\\
бо ў беларускім войску\\
і я\\
хачу служыць.

 


===== Падобныя старонкі =====
  * [[постаці/віталь-вольскі]]
  * [[творы/артур-вольскі/артур-вольскі-вожык-дзівачок]]
  * [[творы/артур-вольскі/артур-вольскі-пагоня]]
  * [[постаці/артур-вольскі]]
  * [[творы/віталь-вольскі/віталь-вольскі-несцерка]]