~~META:
title = Артур Вольскі — Снежны бой
&keywords = пройдуць, бой
&abstract = Чытаць верш Артура Вольскага "Снежны бой"
&iftrue = nan
~~

====== Артур Вольскі — Снежны бой ======
«Бой» усчаўся на двары.\\
Але страху – ані знаку.\\
Нашы хлопцы-ваяры\\
Смела рушылі ў атаку.\\
\\
Крэпасць пала і ляжыць,\\
Як сумёт, –\\
Без сцен, без вежак.\\
I «праціўнік» прэч бяжыць\\
Ад агню крамяных снежак...\\
\\
Праміне маленства час.\\
Пройдуць леты,\\
Пройдуць зімы, –\\
Назаве Радзіма нас\\
Абаронцамі сваімі.

 


===== Падобныя старонкі =====
  * [[творы/якуб-колас/якуб-колас-першы-снег]]
  * [[творы/юрась-свірка/юрась-свірка-з-першым-снегам]]
  * [[ibdc.ped>першы-снег]]
  * [[творы/казімір-камейша/казімір-камейша-першы-снег]]
  * [[ibdc.ped>першы-снег-3700]]