~~META:
title = Артур Вольскі — Славы даўняй адгалосак
&keywords = нашых
&abstract = Чытаць верш Артура Вольскага "Славы даўняй адгалосак"
&iftrue = nan
~~

====== Артур Вольскі — Славы даўняй адгалосак ======
На гарбах счарнелых высп\\
стогнуць сосны векавыя.\\
Воўкам вые Ваўкавыск,\\
падвывае Ваўкавыя.\\
\\
Ад варожых капытоў\\
абгароджана Гародня.\\
І Лагожаск з-за шчытоў\\
пазірае нелагодна.\\
\\
Менск, абуджаны ўначы,\\
лоб хавае пад забрала.\\
І мяняюць крывічы\\
на мячы свае аралы.\\
\\
Тураў дзьме ў турыны рог.\\
Клічаў кліча.\\
Свіслач свішча.\\
Месяц – кінуты нарог –\\
У разоры чорнай блішча…\\
\\
О, мінулыя вякі!\\
Зброі бразгат несціханы.\\
Пагражалі крыжакі,\\
Каралі, цары і ханы…\\
\\
Ды жыве ў пластах гадоў\\
славы даўняй адгалосак –\\
назвы нашых гарадоў,\\
нашых вуліц, нашых вёсак.

 


===== Падобныя старонкі =====
  * [[постаці/артур-вольскі]]
  * [[творы/віталь-вольскі/віталь-вольскі-несцерка]]
  * [[постаці/віталь-вольскі]]
  * [[творы/артур-вольскі/артур-вольскі-вожык-дзівачок]]
  * [[творы/артур-вольскі/артур-вольскі-пагоня]]