~~META:
title = Артур Вольскі — Непералётны вырай
&keywords = школа, восень, блізкая, зіма
&abstract = Чытаць верш Артура Вольскага "Непералётны вырай"
&iftrue = nan
~~

====== Артур Вольскі — Непералётны вырай ======
Сышліся хмары –

восені паслы.

I за акном не ціхне дождж-назола.\\
На поўдзень скіраваліся буслы,\\
а нас з табой ужо чакае школа.\\
\\
Лістоту золкі вецер падхапіў\\
і закружыў яе ў апошнім танцы,\\
пад невясёлы восеньскі матыў\\
чапляецца за каўняры і ранцы.\\
\\
Ах, восень!

Ты стараешся дарма,

прыкрыўшыся залочанай парфірай.\\
Бо што нам дождж

ды блізкая зіма:

у нас тут свой –\\
непералётны – вырай.\\
\\
Аж да званка не змоўкне гамана\\
у кожным класе вераснёвым ранкам.\\
Як быццам і не восень,

а вясна,

і школа –

велізарная буслянка.

 


===== Падобныя старонкі =====
  * [[творы/авяр-ян-дзеружынскі/авяр-ян-дзеружынскі-хто-вас-у-школу-сабі]]
  * [[творы/мікола-чарняўскі/мікола-чарняўскі-пайшлі-ад-нас-канікулы]]
  * [[творы/кастусь-жук/кастусь-жук-урок]]
  * [[ibdc.ped>вясковы-асветнік]]
  * [[ibdc.ped>дарога-ў-школу]]