~~META:
title = Артур Вольскі — Коцева грамата
&keywords = коцю
&abstract = Чытаць вершык Артура Вольскага "Коцева грамата"
&iftrue = nan
~~

====== Артур Вольскі — Коцева грамата ======
Раз, два,

тры, чатыры.

Коцю грамаце вучылі.\\
Ды вурчыць ён

сам сабе:

– Што мне **А**

і што мне **Б**э?

З іх я нават не пад'ем.\\
Бо ўсё смачнае –

на э**М**.

**М**алако з яго і **М**яса,\\
да якіх я дужа ласы.\\
І смятаны

ў нас не стане,

калі э**М** няма ў с**М**ятане...\\
\\
– Ціха, коцю!

Не шумі ж!

Чуеш?\\
Шкрабаецца мыш...\\
\\
– **М**ыш?!\\
Яна

таксама з э**М**.

Ухаплю яе

ды з'ем!..

\\
Шусь – да норкі.\\
Не спаймаў.\\
– Мур-мур-мур!..\\
– Мяў-мяў-мяў!..

 


===== Падобныя старонкі =====
  * [[творы/артур-вольскі/артур-вольскі-вожык-дзівачок]]
  * [[постаці/віталь-вольскі]]
  * [[постаці/артур-вольскі]]
  * [[творы/віталь-вольскі/віталь-вольскі-несцерка]]
  * [[творы/артур-вольскі/артур-вольскі-пагоня]]