Эх, якія коні –
маленькія поні!

Падбярыце хутчэй
мне каня –
ды гарачэй!

Цок-цок –
капыточкі.
Ток-ток –
малаточкі.

Б’юць
усе чатыры ў лад.
Еду,
нібы на парад.

Бегемоты,
насарогі,
саступіцеся з дарогі!
І жырафы,
і паўліны –
на «зважай!» стаяць павінны!

Вось і грозны
цар звяроў.
Я кажу яму:
– Здароў!
Загадай,
каб заасад
дружна выйшаў на парад…

Раптам чую:
– Скончан круг!
Забіраюць лейцы з рук.

– Пакатаўся,
Дарагі,
хай катаецца другі.

Ах, якія коні –
маленькія поні!

• віталь-вольскі
• артур-вольскі
• васіль-зуёнак/васіль-зуёнак-коні-і-поні
• артур-вольскі/артур-вольскі-пагоня
• віталь-вольскі/віталь-вольскі-несцерка