~~META:
title = Артур Вольскі — Козачка
&keywords = лужок, козачка
&abstract = Верш Артура Вольскага "Козачка"
&iftrue = nan
~~

====== Артур Вольскі — Козачка ======
Выйшлі дзеці на лужок,\\
на зялёны муражок.\\
На лужок\\
на муражок\\
і пасталі\\
у кружок.\\
\\
– Пачакайце трошачку,\\
мы станцуем\\
«Козачку»!..\\
\\
А козачкі белыя\\
па мураўцы бегалі.\\
Па мураўцы –\\
скок ды скок,\\
патапталі\\
ўвесь лужок.\\
\\
Казляняты выбеглі:\\
– Што ж вы траўку выбілі?!\\
Ножкамі\\
затупалі,\\
рожкамі\\
застукалі.\\
\\
Тут пастушка\\
выйшла ў круг:\\
– Не тапчыце, козкі, луг!\\
Рожкамі\\
не стукайце,\\
ножкамі\\
не тупайце!\\
\\
А вясёлы пастушок\\
задудзеў тады ў ражок:\\
– Ду-ду-ду!\\
Ды ду-ду-ду!\\
З вамі ў скокі я пайду!\\
\\
Ах, як добра на лужку,\\
на зялёным муражку!\\
Мы б скакалі зноў і зноў,\\
але нам пара дамоў!

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-козачка-свавольніца]]
  * [[постаці/віталь-вольскі]]
  * [[творы/артур-вольскі/артур-вольскі-пагоня]]
  * [[творы/віталь-вольскі/віталь-вольскі-несцерка]]
  * [[постаці/артур-вольскі]]