~~META:
title = Артур Вольскі — Калыханка
&keywords = спяць
&abstract = Верш Артура Вольскага "Калыханка"
&iftrue = nan
~~

====== Артур Вольскі — Калыханка ======
Змрок ляжыць навокал,\\
як гушчар лясны.\\
Да сцямнелых вокнаў\\
падыходзяць сны.\\
\\
Спаць усім належыць\\
на зыходзе дня.\\
Недзе ў Белавежы\\
дрэмле зубраня.\\
\\
Між ялін кашлатых,\\
у сваім дупле,\\
спяць ваверчаняты\\
ў цішы і ў цяпле.\\
\\
І крыклівай сойцы,\\
што ў гняздзечку спіць,\\
аж да ўсходу сонца\\
дзетак не будзіць.\\
\\
За акном мільгае\\
зорак карусель.\\
Глянь, табе міргае\\
Зорны Карабель.\\
\\
Спяць у лузе краскі –\\
ты чаму не спіш?\\
Можа, сёння ў казку\\
ў сне ты паляціш...

 


===== Падобныя старонкі =====
  * [[ibdc.ped>калыханка]]
  * [[творы/алесь-камароўскі/алесь-камароўскі-чарнобыльская-калыханка]]
  * [[слоўнік/калыханка]]
  * [[творы/васіль-вітка/васіль-вітка-калыханка]]
  * [[творы/ніна-мацяш/ніна-мацяш-калыханка-маме]]