~~META:
title = Артур Вольскі — Жырафа
&keywords = запарка, жырафу
&abstract = Верш Артура Вольскага "Жырафа"
&iftrue = nan
~~

====== Артур Вольскі — Жырафа ======
Паспрабуй рашыць шараду!\\
Вось запарка, дык запарка!\\
Як са станцыі жырафу\\
Везці нам да заапарка?\\
\\
Як устане на ўвесь рост –\\
Не пазбавішся бяды:\\
Галавой зачэпіць мост,\\
Пазрывае правады.\\
\\
Як уздоўж працягне шыю –\\
Зноў хвалюецца шафёр:\\
– У вітрыне выб’е шыбу,\\
Перакуліць светлафор!\\
\\
Не! Па горадзе жырафу\\
Не правезці нам без штрафу!

 


===== Падобныя старонкі =====
  * [[ibdc.ped>жырафа]]
  * [[творы/віталь-вольскі/віталь-вольскі-несцерка]]
  * [[постаці/віталь-вольскі]]
  * [[постаці/артур-вольскі]]
  * [[творы/артур-вольскі/артур-вольскі-пагоня]]