~~META:
title = Артур Вольскі — Еду ў госці да слана!
&keywords = слана, кракадзіл
&abstract = Чытаць верш Артура Вольскага "Еду ў госці да слана!"
&iftrue = nan
~~

====== Артур Вольскі — Еду ў госці да слана! ======
Вось якая навіна:\\
Еду ў госці да слана!\\
Родны дом яго далёка,\\
Каля той ракі Замбезі,\\
Дзе заўсёды паліць спёка,\\
Дзе не ведаюць аб снезе.\\
\\
У слана-асілка там\\
Ёсць сваяк – гіпапатам.\\
Без дарог, мнучы трыснёг,\\
Прэцца грозны насарог.\\
Пры ўзбярэжку лёг у іл\\
Ненажэрны кракадзіл.\\
\\
Ды гарыла - вось граміла! –\\
Не баіцца кракадзіла.\\
Фанабэрыстыя львы\\
Не схіляюць галавы.\\
А жырафы толькі крышку\\
Меншыя за тэлевышку.

 


===== Падобныя старонкі =====
  * [[ibdc.ped>дакор]]
  * [[творы/артур-вольскі/артур-вольскі-слон]]
  * [[творы/віталь-вольскі/віталь-вольскі-несцерка]]
  * [[постаці/віталь-вольскі]]
  * [[постаці/артур-вольскі]]